الاشعار هي كلمات بسيطة متجانسة مع الابداع لتنقل صورة واحساس رائع من خلال بعض الحروف لذلك نقدم شعر مدح القبائل.
قصيدة في مدح جميع القبائل السعودية
1.يالله يا خالق اراضين وابحار
الواحد المعبود رازق عبيده
2.الخالق الغفار علام الأسرار
وفرق شعوب الارض في كل يده
3.وابدي واسولف من عذيبات الأشعار
أبيات شعر والمعاني وكيده
4.اشري وابيع واعرف كيف بختار
واختار من جزل البيوت الفريده
5.وذ كرتراث وعز وأمجاد وافخار
قبائل تؤمن بدين وعقيدة
6.وصلت حضارتنا على سطح الأقمار
ابنا الجزير والجزيره مجيده
7.في ظل حكام لهم فعل و أشوار
ال السعود اللي تفك الضهيده
8.نسل الزعيم الحاكم العادل البار
مجدد أمجاد الجزيرة بجيده
9.حتى اصبحت حره وحنا له أنصار
في ظل اخو نوره هنوف سعيده
10.وصارت لابو تركي بطوله وتذكار
والفخر والأمجاد تبقى شهيده
11.وخلف لنا املوك لهم فعل وأخبار
الشعب واحد والقيادة رشيده
12.والأمن بانينه على ساس وجدار
وقرروا على العابث عقوبة شديدة
13.وحنا حماة الدار من كل غدار
وما همنا بطشه وخبثه وكيده
14.قبائل ما لحقناهم أوعار
وعشنا بهذي الدار عيشه رغيده
15.والحمد لله نحمده سر واجهار
شعب تكاتف من سنين مديده
16.ودون الوطن جيش على كل معبار
لا رفرف البيرق ونادي عقيده
17.بشرق البلاد وغربها دوم حضار
وارض الشمال اللي نفوده مديده
18.وارض الجنوب اللي تخيضر بالاشجار
جزيرة فيها القبايل عديده
19.ارض بها قحطان وافين الاشبار
ويا عز منهم بالشدايد بسيده
20.وشمر هل الطولات والجود مقدار
وتاريخهم يحكي سطور مجيده
21.و الشرارات اهل الكرامة لهم اشعار
هل الطولات واهل الفعول الحميده
22.وقوم اعنزه مروين الاخصام الامرار
اولاد وايل من عصور عهيده
23.واذكر عتيبه يوم للطيب مغوار
لا ثارت الهيجا وقرب ضديده
24.ومطير قوم تكرم الضيف لا زرار
وياويل خصم في حراهم وعيده
25.واذكر قبيلة حرب يا نعم الأخيار
وتاريخهم يحكي سطور مجيده
26.وسبيع نعم القوم ووجيه الأسفار
زبن الدخيل ليا زبن من طريده
27.واذكر قبيلة يام والطيب يندار
اهل العلوم الوافيه والرشيده
28.ثم الدواسر تجعل الخصم منهار
عيال زايد عز منهم سنيده
29.ثم السهول اللي لها الطيب مدرار
وعن منهج العادات ما هي محيده
30.ثم اذكر العجمان حماية الجار
و المرجلة والجاه فيهم عتيده
31.واذكر بني مره طويلين الأعمار
ما ينقد المري ولا له نقيده
32.ثم الهواجر لابة تقدح النار
اهل الركاب اللي خطاها بعيده
33.واذكر بني خالد قبيلة وأمار
قوم لهم في المجد قول ورصيده
34.وبني تميم اللي لها الطيب مصدار
بني تميم وكل فعل تجيده
35.ثم الزعوب اللي بها الخصم يحتار
شجعان ماترضى سوا ماتريده
36.العازمي وافي وفي الطيب بيطار
روحه على كل المصاعب صميده
37.ثم الظفيري في المصاعيب جبار
والطيب والامداح باصله وطيده
38.ثم اذكر الاشراف بجلال واكبار
اهل الحجاز اللي تفك الزهيده
40.ثم الهذيلي له مواقف ومندار
راعي الفخر راعي العلوم السديده
41.ثم البقوم اللي لهم جيش وأمهار
ريف الضيوف ليا لفاهم وليده
42.واذكر ثقيف اللي لهم مجد وآثار
ومهما حسبنا من كلام نعيده
43.وبلحارث اهل العز بشهود وإقرار
ا لحارثي يا طيب فعله وجيده
44.والمالكي معروف لا صار ما صار
في موقف اهل الطيب يبذل جهيده
45.واثني تحياتي عدد وبل الأمطار
على سليم وكل خصم تكيده
46.واذكر جهينة هل مواقيف وادوار
تلقى الجهيني راسم الطيب بيده
47.واذكر بلي والمجد له فعل واظهار
وتاريخهم يحكي فعول فريده
48.وبني عطيه في المواجيب حضار
قوم بوقت الجد قوم عنيده
49.وباقي جنوب الدار والقاف مادار
باقي على قلبي كلام و أشيده
50.زهران نعم القوم في وقت الأضرار
والخصم عينه من لقاها سهيده
51.والغامدي معروف له عزم واصرار
راعي المراجل والعلوم المفيده
52.وشمران قوم والجمايل لها اطوار
وبلقرن سم للقلوب النكيده
53.والاكلبي والمحلفي مابعد بار
والحارثي طيبه وفعله يشيده
54.وبني شهر وبني عمر سيف بتار
قوم على الاخصام نار وقيده
55.والاسمري والاحمري صيتهم سار
بين القبايل والمواقف شهيده
56.واذكر عسير الهول ذربين الأذكار
وأبها احتموها فالسنين الشديده
57.وادهم والصيعر على حد الاقطار
يحمون حد الدار من اللي يريده
58.وامشي مع الساحل مع جمله أفكار
رسمتها والطير زان تغريده
59.ثم الرشيدي في الصعيبات صبار
على علوم الطيب فعله يزيده
60.وانزل على جيزان تاريخ واديار
ورجال فيفا والقبايل عديده
61.وارجوا العذر واهل المواجيب عذار
الي نسيته مانذكر في القصيده
62.الواهبي عدد ابيوته بالادوار
من شاعر ماشل قلبه حقيده
63.شهران ربعي هم هل المدح والكار
واهل الكند واهل السيوف الجديده
64.يوم البلد مايامن الزند لاثار
زيزومنا ابن مشيط نعم الوليده
65.فالجهل شجعان وفي السلم تجار
من بطن بيشه للتهم لارفيده
66.حبيت أبين موقفي بين شعار
وارجوا سموحتكم على ذا النشيده
67.ماحب أنافق واتعنصر تعنصار
ولا ني با أطيع اهل العقول البليده
68.ما كل من طب البحر قيل بحار
وما كل من شل الفشق جاب صيده
69.فالشعر بستان به ورد وازهار
واللي تعداها بيوته فقيده
70.وأقولها في الشعر تكرار وإمرار
؟رف بلا عنوان يلغى بريده
71.وبعض السوالف له مواقف ومحضار
وشعر بلا معنى لزوم نبيده
72.وصلوا على المرسول شفاع الأبرار
قصيده لكل القبائل
لا صار يوم(ن) فيه ذابـح ومذبـوح
يردوّن حوض الموت في غالي الروح
دون البيـوت ادّم المعاديـن مسفـوح
والنعـم بالظفـران لا قيـل ظفـران
وشمّر هل الطولآت لا صار ما صار
لا صارت الدعوه بها طوال وقصـار
والنعم في شمـر طويليـن الاشبـار
بالطيب والخوّه لهم قـدر(ن) وشـان
متعوديـنـن للنوامـيـس والـجـود
الطيب فيهـم والكـرم مالـه حـدود
ذكرتهم بالطيـب والطيـب مشهـود
في شمر(ن) من دون زيف(ن) وبهتان
أولاد وايــل كاسبـيـن النفـيـلـه
قبيلـة(ن) يـا ويههـا مـن قبيـلـه
قبيلة(ن) يا سعّـد مـن يلتجـي لـه
عنزه بها سباع وصـوارم وشجعـان
اولأد وايل لا غـدا الجمـع جميعـن
حلويـن لصاحـب وللضـد مريـن
دايـم لفعـل الطايـلـه مستعـديـن
وعشرين نعم(ن) كل ما قيـل ويـلان
واذكر بني خالد عريبيـن الانسـاب
يحسب لهـم بالازمـه ميـه حسـاب
لا صارت الدعوه بها ضيم وانشـاب
تلقـا الخوالـد بالملازيـم فـرسـان
يقدرون الضيـف لا جاهـم الضيـف
تصبح حياتـه عندهـم كلهـا ريـف
عدوهم مـن فعلهـم يرجـع معيـف
من ينكر المعـروف هـذاك غلطـان
وابذكـر الـي يحتمـون المظاهيـر
اذكر مطير وتشهـد النـاس لمطيـر
لا صار يوم(ن) فيه شر(ن) بلا خيـر
ابشر بعز(ن) صرت في صف مطران
غريمهم مـن فعلهـم يسهـر الليـل
حمر النواظـر بالأمـلازم مشاكيـل
لا صارت الدعـوه امـان وتساهيـل
صحيبهـم لا يمكـن انـه بينـهـان
ابذكـر العجمـان بالجـاه والطيـب
ربع(ن) يدوسون الخطر والتصاعيب
الي يجي فـي شـر يبشـر بتعذيـب
والي يجي في خيـر فايـز وربحـان
الله يعـز أهـل الشـرف والمـروه
فـي طيبهـم مبطيـن ماهـو بتـوه
سموت(ن) يـا زينهـا مـن سمـوه
أفخر ويفخر كل مـن قـال عجمـان
واذكر بعد فعل الحـروب بقصيـدي
نقول فـي فعـل الحـروب ونشيـدي
الكل منهـم فـي المراجـل سديـدي
وصلـت فعايلهـم قبايـل وبــلادان
وابذكـر الله قبـل مذكـر عتيـبـه
قبيلـة(ن) وقـت الملاقـاء تعيـبـه
عـدوهـم لازم تجـيـه الغلـيـبـه
ينكس معيـف عقـب ماهـو فسقـان
والنعم فيهم كـل مـا حـل طـاري
وصلـت فعايلهـم جميـع البـراري
فـي فعلهـم كـل القبايـل تمـاري
خويهـم فـي قربهـم دوم فـرحـان
واذكر سبيع اهل الكـرم والنواميـس
الأبه الـي لا لفـاء الكـون فريـس
الـي تهقواهـم يشـوف الالواليـس
سبيعان في كـل المواقيـف سبيعـان
يردون حوض الموت لوهو عسيـري
افرح ليا جـا مـن سنعهـم بشيـري
لا جوك فزعه صار قـدرك كبيـري
لا صار ما عندك جماعـه وصدقـان
وبني رشيد اهـل الفعـول الرشيـده
رشايـده بالطيـب نـعـم البـديـده
علـى المعـادي خاتمتهـم شـديـده
لا جات مهمات الفخـر فعلهـم بـأن
رفيقهـم لا صـار ضايـق ومهمـوم
الكـل منهـم فـي ملازيمـه يقـوم
الـي يعيـش بقربهـم دوم محشـوم
افعالهـم دايـم جزيـلات وسـمـان
وابذكـر فعـول القحاطيـن بمـثـال
ربع(ن) لهم بالطيب والمجد مدخـال
في فعلهـم ماقـدر اترجـم بالاقـوال
والطيب بيّن عنـد ذربيـن الايمـان
يمشون في درب النواميـس يمشـون
على دروب المجـد دايـم يسيـرون
وبالضيـف دايـم لا لفاهـم يهلـون
اوكثـر قبايلنـا مــرده لقحـطـان
واذكر بعد من عرض ما قلته سهـول
فعل السهول اكبر من المدح والقـول
والي يبي ينكر هل الطيـب مهبـول
الاجودي يذكر علـى كـل الاحيـان
افعالهـم وقـت المغـازي عظيـمـه
ونفوسهـم مـن التكـبـر سليـمـه
فيهـم لكـل النـاس قـدر وحشيمـه
انشد وتلقا العلم كـان انـت شفقـان
وبني عطا محد(ن) يخالفنـي الـراي
الكـل منهـم للعـلـى دوم مـشـاي
الناس تذكر مـا ذكـرت بحجايـاي
اقولها بخـلاص مـن قلـب ولسـان
فعل العوازم بين الاجـواد معـروف
وقت الاقا ما يدخـل قلوبهـم خـوف
واكرامهم لضيوفهـم شـى مشيـوف
غير الفعول الي بهـا الضـد بحـلان
وشيـد فـي فعـل العداويـن تشيـد
بالمرجله مـن بيـن كـل الاجاويـد
دايم علـى دروب المعالـي مواريـد
لكل القبايـل دايـم اخـوان واعـوان
والنعـم فـي كسابـت الطايـلاتـي
جعـام المعـادي بالملاقـا عصاتـي
فـي قربهـم يالمبتلـي لا تحـاتـي
حقك يجي لو هو كثيـر(ن) بالاثمـان
وقالو زعوب وقلت والنعـم يزعـوب
اسم الزعوب بطول الايـام محبـوب
يشهد لكم بالطيب فـي كـل ماجـوب
فتح لكم باب الشـرف عشـر بيبـان
اهل الكرم فيكـم كـرم مـع شهامـه
صدقانكـم دايـم بـعـز وكـرامـه
وعدوانكـم لازم تشـوف النـدامـه
يشهد لكم فـي فعلكـم رب الاكـوان
وقالـو بقـوم وقلـت مانـي بناسـي
كـل البقـوم احطهـم فـوق راسـي
تقديـر للـي فعلهـم مـا يقـاسـي
تقديرهم يبقـا علـى مـر الازمـان
وجبت الهواجر فـي معانـي كلامـي
الكل منهـم فـي المراجـل يحامـي
اهـل الكـرم لهـم كثيـر احترامـي
كل الهواجر دون عـد(ن) ونقصـان
وبنـي عطيـه كاسبيـن المديـحـي
وبني صخر تعيـش معهـم مريحـي
وفعل الحويطـات بكرمهـم نبيحْـي
وطيب المناصير اذكره دون نسيـان
وابذكر الهرشـان فـي نظـم قيلـي
الي لهم سجل(ن) عريض(ن) طويلي
بالطيـب ماهـو بالـردا والنقيـلـي
كل(ن) ينعّم كل مـا قلـت هرشـان
وبالطيب ابذكر والفخـر كـل مـري
من قبـل لا قـول القصيـد متحـري
المـره الــي فعلـهـم مستـقـري
لهم بدرب الكـار والمجـد سيسـان
وذكـر بعـد بالطايـلات الـدواسـر
الكـل منهـم للكـرم دوم جـاسـر
بالطيب واضح ما يبي لـه مساسـر
يستاهل التمجيد رجـل(ن) كحيـلان
وفعل الفضول يشوش الراس تشويـش
طول الزمن للطيب دايـم مشاويـش
اسئل عن فعول الفضـول المداقيـش
اسئـل وتلقـا فعلهـم بالفـخـر زان
وذكر بعد بالقـول كـل الشـرارات
افعالـهـم متبـيـنـه بالمـهـمـات
في طيبهم يشهد لهـم ماضيـن فـات
لنا بهم صدقـان واعـوان واخـوان
هـاذي قبايلـنـا بتذكـيـر قلـنـاه
ويمكن بعـد بعـض القبايـل نسينـاه
المعـذره للـي بعـد مـا ذكـرنـاه
تراه ماهـو يـا الاجاويـد حقـران
المعـذره والمـعـذره سامحـونـي
يالـي نسيـت اذكركـم اعـذرونـي
انا اعترف يالـي علـى تشرهونـي
ماني متعمـد يـا طليقيـن الايمـان
ذكر القبايل عندي اغلى مـن الـروح
قبايل(ن) مالـي بهـا كـل مصلـوح
انا افتخر في كـل طيـب وممـدوح
كسابت المعروف بالطيـب واحسـان
افخر وكل(ن) يفتخـر فـي مسـاره
وكل(ن) على عانيـه طيبـه بـداره
بنـا علـى طيـب الفعايـل نمـاره
يشهد لنـا فـي فعلنـا رب الاكـوان
اخذت في نظـم القصيـد احتياطـي
جـاذب جميـع الطيبيـن ارتباطـي
مافيـه لا علـى ولا فيـه واطــي
جميعهـم عنـدي حبايـب وخــلان
وانـا عريفـي فـي جميـع النحايـا
بانـت فعايلـنـا ولا بــه خفـايـا
حنا ليا جـا الكـون تصبـح حجايـا
ويـوم الملاقـا بينينـن بـالاكـوان
ألـد علـي والطيـب مستارثيـنـه
العهـد الاول بالفـخـر حافظيـنـه
وعلـى الكـرم لنـا مواقـف ثمينـه
يكتب لهم في صفحه الطيـب ديـوان
هاذي قصيـده سجلـت فـي سجلـي
ذكرت كـل الـي بهـا فاطنـن لـي
أليا سمعاهـا واحـد(ن) مـا يملـي
وارجو عسى الي يسمع القول قنعـان
ختـام مـا قلتـه بنظـم القصـايـد
في ذكـر رب(ن) نذكـره بالشدايـد
رب(ن) عليم بكـل ناقـص وزايـد
صلو على المبعـوث هو نسل عدنـان
شعر في قبيلة قحطان
يـامــن تـبــي تـكـتـب عـــن أمـجــاد قـحـطـان=وتــذكـــر تــواريـــخ الـشــيــوخ الأوايـــــل
أهـــل الـمـواقـف يــــوم زوغــــات الأذهــــان=يـــوم الـحـكــم ســيــف ورمــــح وســلايــل
الله يـعــيــنــك يــاســلايـــل كــحـــيـــلان=مـهـمـتــك صـعــبــه ومـثــلــك قـــلايـــل
لاشــك عـنــدك يـــا أبـيــض الـوجــه بـرهــان=وعـنــدك مـــن الـتـاريــخ صــــدق ودلايــــل
ديـارنــا مـــن نـجــد لـــي غـــرب نــجــران=ولــنــا ربــــوع مــــن ورى حــــد حــايــل
وشــرق بـنــي هـاجــر ربـــوع ابـــن شـبـعـان=يـشـهــد لــهــم راكــــان والــشــك زايـــــل
هـــل دقـلــه تـــروي عـطــش كـــل ضـمـيـان=وهــــل مــوقــف مــاعــاد بــعــده عــذايــل
وغـــرب نــــزل مــنــا الـمـديـنـة فـريـقــان=الأوس والـــخـــزج وحــــــازوا الـفــضــايــل
أنــصــار لـلـمـبـعـوث رحــمـــه وغــفـــران=مـذكــور فــــي الـسـنــه وذيــــك الـرسـايــل
قـــد قـالـهـا حـســان فـــي مـاضــي أزمــــان=والــصـــدق نـــــور والـدعــايــة ظــلايـــل
قــبــايـــل مــعـــروفـــة قــــبــــل والأن=تــعـــز الــهـــود مـعـربـيــن واصـــايـــل
ربــعــي الأخارسة والـجــحــادر وسـنــحــان=ورفــيـــده وجــمـــع الـحــبــاب الـهــوايــل
وبـنــي بــشــر وشــريــف مــانــي بـغـلـطـان=هـــل قـالــة عـلـيـا لــمــا ظــــال ظــايــل
مـنــا ابـــن هـــادي وال لـبـده وابـــن سـفــران=ومــنـــا مــرويـــة الـســيــوف الـصـقـايــل
والـشـيــخ ابــــن هــــادي تــقــدم لـعـربــان=شــيــخ تــعــدل حـكـمـتـه كـــــل مــايـــل
شـيــخ تــطــوع صـطـوتــه كــــل فـسـقــان=وربــعــه هــــل الــطــالات يــــوم الـقـتـايـل
والـشـيـخ شــالــح والـفـديــع ابــــن هــــدلان=فـرسـانـنــا يـــــوم اقــتــتــال الـقـبــايــل
هــل صـبـحـة يـشـبـع بـهــا الـذيــب سـرحــان=يـشـهــد عــلــى قــولــي عــيــال الـحـمـايـل
والــخــوة الــلــي بـيـنـهـم شـانـهــا شـــــان=قــــدوة وذكــــر يـنـقـلـه كـــــل قــايـــل
رمــز الـوفــاء والـطـيـب مـــن بـيــن الأخـــوان=والـعــزوة الــلــي تـجـعــل الــــراس طــايــل
لا قــــال ابــــن دراج ثــــم ثــــار دخــــان=راحــــت خــيــول الــقــوم مـنـهــم جـفـايــل
خـنـافـر تــــارد عــلــى الــمــوت شـجـعــان=وجــحــادر تــاطــا عــلــى كــــل عــايـــل
وذيــب عـلـى اسـمـه ذيـــب مـــن روس فـرســان=لــــه مــوقــف يـشـفــي الـكـبــود الـغـلايــل
كـســب الأصـيـلـه واشـتـهـر طــيــر حــــوران=وعـمــره عـشــر واربـــع عــديــم الـخـصـايـل
دون إبــــل بـــــوه مــوقـــف قــبـــل الأذان=حـتــى انـصــرف عـنـهــا ســمــوم الـقـوايــل
صـــد الـمـغـيـره ذيــــب والــحــظ لــــه زان=وكــســب ونــعــم واحــمــر الــــدم ســايــل
وبـــره يـسـولــف فــيــه حــضــر وبــــدوان=عــســـاه لـلـجــنــة وبــــــرد الــدبــايــل
زيـــد ابـــن شـفـلـوت لـــه الـمــدح عــنــوان=عــلــى قــــرارة نــجــد جــالــه فـعــايــل
شـهــد لـــه ابـــن فـهـيـد بـالـفـعـل وكــــدان=مــانــي بـقـايــل قــــول مــالــه حـصـايــل
ومـنـا ابـــن حـشــر ومـوقــف الـشـيـخ قـدبــان=مــــع الـمـوحــد يــــوم قـــــدح الـفـتـايــل
وابـــن رشـيــد الـلــي مـنــا زلـــه بــــرزان=الـضـيـغـمـي فـعــلــه قـــديـــم وهـــايـــل
ومـنــا الـمـهــادي وابــن غــيــده ودبــــران=أهـــــل الـمــواقــف كـاسـبـيــن الـنـفــايــل
وابــــن سـعــيــدان آل عــاطـــف وجـبــهــان=وفــــراج بــــن ريــفــه حـمـيــد الـشـمـايـل
ومـنـا ابـــن شـــري والـجــذع وابـــن فـــردان=ومـنــا الـمـرحــب والـفـشــق لــــه مـخـايــل
وابــــن دلــيــم وابــــن عــبــود شـيــخــان=وأبــــن حــويــل الــلــي لـلأمـجــاد نــايــل
وجـــراب والـمــدرس وذيـــب ابــــن عــــردان=وجـــديـــع والــعــمـــاج روس وزحـــايــــل
ومـنــا ابـــن جـافــل وابـــن سـلـمـان زبـــران=وذيـــب بـــن قـنـطــاش صــبــي الـصـمـايـل
وراعـــي الـسـويـد مـحـمــد وابــــن كــزمــان=يـــوم اعـتــزى جـــاء الـقــوم مـنــه نـكـايــل
وحـاتـم وابـــن مـعــدي كـــرب جـــود وسـنــان=أمـجـادهــم ســولــف بــهــا كــــل جــايــل
وابـــن مـريـحــه وابــــن داهــــك وشــهــوان=ومــنــا آل عـشــتــل مـحـتـمـيـن الـحــلايــل
ولــنــا ســلــوم تـطـلــق وجــيــه وإيــمــان=ســـاروا بــهــا الـعـربــان فــــوق الـرحـايــل
دون الــخــوي والــجــار والـضـيــف والــعـــان=والــشــاهـــد الله والــفــعـــول الــطــوايـــل
ديـــرة حـقـيـب يـــوم فـــي الـوجــه مــــالان=وقـصــرة مـحـمـد يــــوم صــــارت مـثـايــل
ودون الـخــوي قـــام ابـــن مـحـســن ولاهــــان=فـيــه اقـتـضــى عــشــرة وخــالــه كـمـايــل
هــــذي مـآثـرنــا وكــــل لـــــه لــســـان=والــنــار مــــا تــقــدح بـلــيــا شـعــايــل
والـلــي عــــن فــعــول المـطـالـيـق عـمـيــان=مــانـــي طـبــيــب لـلـضـعــوف الـهــزايــل
تـشـهـد مـطـيــر ويــــام وجــمــوع عـتـبــان=يـــوم الـقـنــا والــرمــح والـخـصــم صــايــل
ذاك الـزمــان الـلــي بــــه الــمــوت عــــزران=ويـمـيــز الـطـيــب مــــن أهــــل الـفـشـايـل
وبـيــت بــــلا ســــاس ودعــايــم وعــمــدان=لــــي هـبـتــه ريــــح يـجــيــك مـتـمـايــل
والــنــاس يـفـرقـهــا الـشـجـاعــة والإيــمـــان=وجــــود لــمــا شــحــت يــديــن الـبـخـايـل
ولا فـــلان اســمــه عــلــى فــــلان وفــــلان=الاســـــم واحـــــد والـفـعـايــل ســهــايــل
مــوجــز بـسـيــط فــيــه ذكــــر عــرفـــان=لاهـــــل الـعــقــول الـوافــيــه والـجـمـايــل
وكــــل الـقـبـايــل كـامــلــه دون نـقــصــان=مــثـــل الـجــبــال الـنـايـفــات الــوحــايــل
والـلــي نـسـيـت الـعــذر مـــن كـــل إنــســان=الـكــامــل الله والـعــفــو فـــــي الــزلايـــل
