اعياد المسيحيين في مصر واهم المعلومات عن اعياد المسيحين في مصر سنتعرف عليها في هذه السطور التالية.
محتويات المقال
المسيحية
المسيحية هي إحدى الديانات السماوية التي يعتبر يسوع المسيح الشخصية الأساسية فيها، ويعتبر المؤسس لها. تعتبر المسيحية أكثر الديانات أتباعا في العالم، فعدد أتباعها يبلغ 2.1 مليار مسيحي. جذور المسيحية تأتي من اليهودية، التي تتشارك معها في الإيمان بكتاب اليهودية المقدس “التوراة”، الذي يدعى في المسيحية العهد القديم. أحيانا يطلق على مجموعة الديانات السماوية: اليهودية، والمسيحية والإسلام اسم الديانات الإبراهيمية، لأن مؤسسي هذه الديانات جميعهم من نسل إبراهيم عليه السلام.
تاريخ المسيحية
إتبع المسيح في حياتة علي الأرض عدد قليل من اليهود هم تلاميذه و بعد نهاية مرحلة وجود المسيح علي الأرض شهدت المسيحية تحول أكبر أعدائها و هو اليهودي المعروف بشاول الطرسوسي نسبة الي طرطوس فأصبح إسمة بولس (الرسول) وتحول إلى أهم ناشري المسيحية و نشر المسيحية بين الأمم (الرومان) و بينما عمل بطرس علي نشر المسيحية بين اليهود .
تعرضت المسيحية للإضطهاد من عشرة قياصرة رومان أذاقوا المسيحيين العذاب الوانا و لكن بعد أن تحول قسطنطين عن الوثنيه إلى المسيحية أصبحت المسيحية دين الدولة الرومانية وتحولت المسيحية في الغرب عندها الي ديانة دولة و أصبحت (ديانة) مستقلة ولكن بقيت العديد من الكنائس الشرقية والإصلاحية فيما بعد بعيدة عن تأثير روما و تعرضت هذة الكنائس أيضا للإضطهاد علي يد الكنيسة الغربية (الرومانية).
اعياد المسيحيين في مصر
المسيحيين فى مصر لهم أعياد كتيره. و بيقول المقريزي ان للمسيحين المصريين ( اليعاقبة ) 14 عيد فى السنه القبطيه منهم 7 اسمهم أعياد كبيره و 7 اسمهم أعياد صغيره. و ده غير المواسم زي عيد النيروز. الأعياد اللى هنا و مظاهر الإحتفال بيها حسب فترة العصور الوسطى.
الأعياد الكبيره
-عيد البشاره : فى 29 برمهات. وهو عيد بشارة الملاك غبريال ( جبريل) لمريم ( مارت مريم ).
-احد الشعانين : شعانين: كلمة عبرانية من (هوشعنا) أوصنا.. معناها (يا رب خلص). و هو فى سابع يوم حد فى الصوم و السنه القبطيه. مناسبته ركوب المسيح على الحمار ( العنو ) فى بيت المقدس و دخوله صهيون و الناس حواليه وهو بيحثهم على عمل الخير. الكنايس فى اليوم ده كات بتتزين و الناس بتشيل سعف النخل.
-عيد القيامه (عيد الفصح) : فى 19 برمهات. وده عيد كبير و مناسبته قيامة المسيح
-عيد خميس الاربعين : و بيتسمى عيد الصعود (فى يوم الخمسين بعد القيامة)، مناسبته طلوع المسيح للسما بعد 40 يوم من قيامته من الاموات.
-عيد العنصرة. بيتعمل يوم الحد 50 يوم بعد عيد القيامه وبيمثل يوم تجلي روح القدس لتلاميذ المسيح.
-عيد الميلاد : بيبقى يوم الإتنين 29 كيهك ، و ده عيد ميلاد المسيح و فيه الكنايس بتتزين وبيعتبر من أكبر أعياد مصر و كان السلاطين بيوزعوا فيه حلاوه و جلاب و زلابيا و سمك بوري و هدايا على الامرا و كات بتتعمل العاب ناريه. و كات الناس فى كل مصر بتشتري شمع ملون و فوانيس جميله كانوا بيعلقوها على الدكاكين و فى الاسواق.
-عيد الغطاس : فى 11 طوبه و مناسبته تعميد يوحنا المعمدان للمسيح فى نهر الأردن. وكان عيد كبير جداً فى مصر و من أجمل أعيادها، و كان المسلمين بيشاركوا فيه . و كات الناس بتخرج تتفسح على النيل و يركبوا مراكب و يغنوا و يعملوا موسيقا و طبل.
الأعياد الصغيره
-عيد الختان : فى 6 بؤونه، و مناسبته يوم ختن المسيح. الختان عاده قديمه فى مصر من ايام الفراعنه، و المسيحيين المصريين بيختنوا أولادهم على عكس المسيحيين التانيين.
-خميس العهد : بيتعمل قبل عيد الفصح بتلت تيام. و العادة فيه ان الناس كانوا بيتبركوا فيه بالغسيل بالميه زي ما عمل المسيح لتلامذته عشان يعلمهم التواضع وحب الناس.
-التجلي : فى 13 مسرى. و مناسبته تجلي المسيح لتلاميذه.
-عيد الصليب : فى 17 توت وده بيعتبر عيد جديد ( بالنسبه للعصور الوسطى ). ومناسبته، اللى مش مصرية، الإعتقاد بظهور الصليب على إيد هيلانه ام قسطنطين.
-عيد دخول المسيح مصر : فى 24 بشنس. و هو بمناسبة مجى المسيح و هو صغير مع امه و يوسف.
-عيد دخول المسيح الهيكل : و ده بمناسبة دخول المسيح الهيكل و هو صغير و شاله سمعان و لتنبأ بإنه حايكون المسيح.
-عيد حد توما : يوم الحد بعد القيامه (تامن يوم بعد القيامه).
تعداد المسيحيين في العالم
حسب إحصائية العام 1993 تعدّ المسيحية من أكثر الديانات شيوعاً وبأتباع يربون على المليارين مسيحي ( مليار كاثوليكي، 500 مليون بروتوستانتي، 240 مليون أرثودوكسي، و 275 مليون مسيحي من الطّوائف الأخرى).
